Стиг Ларсон

Луун шивээст охин

“Мянган жил” цувралын анхны дэвтэр Луун шивээст охин бол Шведийн зохиолч, сэтгүүлч Стиг Ларсоны сэтгэлзүйн триллер бүтээл юм. Энэхүү ном нь анх Шведийн Norstedts Förlag хэвлэлийн газраас 2005 онд худалдаанд гарсан бөгөөд гарсан даруйдаа дэлхий дахинаа бэстселлэр болсон билээ.
Зохиолч Стиг Ларсон алдарт “Мянган жил” цувралынхаа гар бичмэлийг хэвлэлийн газарт өгөөд удаагүй байхдаа буюу 2004 онд зуурдаар нас барсан нь энэхүү бүтээлийг улам ч сонирхолтой, учир битүүлэг болгоно.
Сэтгүүлч Микаел Бломквист Шведийн аж үйлдвэрийн эзний 40 жилийн өмнө ор сураггүй алга болсон зээ охины хэргийн араас хөөцөлдөхдөө уг хэргийн цаана нуугдах аймшигт нууц хуйвалдаан, харгис хэрцгий үйлдлийг төсөөлөх ч үгүй. Аз болоход баруун далан дээрээ луун шивээстэй этгээд хачин эмэгтэй, чадварлаг хакер Лизбет Саландертай учирна. Тэд хамтдаа улстөрчид, санхүүгийн акулуудаас эхлээд хууль хүчнийхэн хүртэл холилдон сүлбэлдсэн аймшигт гэмт хэргүүдийн нууцыг нэг нэгээр нь хальслан задална.
Луун шивээст охин Лизбетийн дүрийг зохиолч маань хүүхэд байхад нь тохиосон нэгэн явдлаас хойш сэтгэлдээ ургуулан амилуулсан гэдэг. Тэрээр 15 настай байхдаа хүчингийн хэргийн гэрч болсон бөгөөд Лизбет хэмээх нэгэн танил охиныг нь гурван дээрэмчин залуу нүдэндээр нь хүчиндсэн аж. Тухайн үедээ юу ч хийж чадаагүй Ларсон маргааш нь өнөөх охиныг эргэж очоод өвдөг сөгдөн уучлал гуйсан боловч охин хүлээж авсангүй. Ийнхүү олон жилийн турш болсон явдал Ларсоныг тайван орхиогүй бөгөөд эцэст нь тэрээр мөн л хүчингийн хэргийн золиос болсон Лизбетийн дүрийг бүтээсэн аж. Мэдээж энэ бол Ларсоны өөрийнх нь ярьсан түүх боловч түүнийг өөд болсны дараа Экспо сэтгүүлийнх нь нэгэн ажилтан Роллинг Стоун сэтгүүлд өгсөн ярилцлагадаа “Ларсон амьд байхдаа энэ түүхийг хоёр дахь эх сурвалжаас авсан гэдгээ надад хэлсэн” хэмээн ярьсан нь болсон явдлын бодит байдалд эргэлзээ төрүүлнэ.
Зохиомол хот Хедестадыг эс тооцвол үйл явдал Шведийн бодит хотуудад өрнөнө. Номонд гардаг “Мянган жил” сэтгүүлийн газар нь нийгэм улс төрийн сэдэв санхүүгийн хэргүүдээр нийтлэл бичдэгээрээ Ларсоны “Экспо” сэтгүүлийн газрыг санагдуулна.
Санхүүгийн гэмт хэргийг эрэн сурвалжилсан нь бүтэлгүйтсэнээр Микаел Бломквистын нүдний өмнүүр сэтгүүлчийн карьер нь нуран унах шиг болно. Ирээдүй бүрхэг харагдах тэр л мөчид түүний нэрийг Шведийн аж үйлдвэрийн эзэн хөгшин дуулсан байлаа. Тэрээр Бломквистод итгэн, дөчин жилийн өмнө алга болсон өөрийн зээ охины учир битүүлэг хэргийн араас мөрдөн мөшгих санаанд оромгүй санал тавьж, хэргийг мөрдөхөд жилийн хугацаа өгнө. Түүний нэрийг дуулсан цорын ганц хүн нь өнөөх хөгшин биш байсан бөгөөд жинхэнэ чадварлаг хакер, хувийн мөрдөгч Лизбет Саландер өөрөө түүнтэй холбоо тогтооно.
Худалдаж авах


ХУВААЛЦАХ

РЕДАКТОРЫН БАГ

Зохиогч: Стиг Ларсон , Орчуулагч: Б. Батчимэг , Редактор: Ч. Мөнхтуяа , Ц. Батбаатар , Д. Мөнхцэцэг , Редактор: А. Энхмаа , Дизайнер: З. Цэрэндагва , С. Дэлгэрмаа ,

НОМЫН МЭДЭЭЛЭЛ

ҮНЭ: 19,900₮,

ISBN: 9789997313249,

ЭРХЛЭН ГАРГАСАН ГАЗАР: Монсудар,

ЭРХЛЭН ГАРГАСАН ОГНОО: 2016-06-01,

ФОРМАТ: Зөөлөн хавтастай,

ХУУДАСНЫ ТОО: 528,

ХЭМЖЭЭ: 210 х 135 х 32 ММ ,

ЖИН: 520.0 ГР,

ЦУВРАЛ: Millennium цуврал: I боть

САЙШААЛЫН ҮГ

Wildly suspenseful...an intelligent, ingeniously plotted, utterly engrossing thriller.

The Washington Post


Combine the chilly Swedish backdrop and moody psychodrama of a Bergman movie with the grisly pyrotechnics of a serial-killer thriller, then add an angry punk heroine and a down-on-his-luck investigative journalist, and you have the ingredients of Stieg Larsson's first novel.

The New York Times


Unique and fascinating.... It's like a blast of cold, fresh air to read The Girl With the Dragon Tattoo.

Chicago Tribune


Номын хэсгээс

Номын мэдээлэл хүлээн авах