Сабахаттин Али

Бидний доторх чөтгөр

Сабахаттин Али бол XX зууны Туркийн агуу зохиолчдын нэг юм. 1907 оны хоёрдугаар сарын 25-нд Османы эзэнт гүрэнд төрж, 1948 онд Турк-Болгар улсуудын хил дээр бусдын гарт амь үрэгдсэн Сабахаттин Алигийн амьдралын түүх, Турк улсын их өөрчлөлт, хямралын үетэй давхацдаг. Али эхлээд коммунизмыг ухуулан сурталчилсан хэргээр, дараа нь Туркийн улс төрчдийг шүүмжилсэн хэргээр хоёр ч удаа шоронд сууж, төрд алба хаших эрхээ хасуулж байв. Амьдрал нь зөрчилдөөн, улс төрийн хавчлага дунд өнгөрсөн Сабахаттин Али урт насалж чадаагүй ч жаран өгүүллэг, гурван роман, нэг жүжиг, дал гаруй шүлэг туурвисан юм.
Бидний доторх чөтгөр романы үйл явдал Истанбул хотод өрнөх агаад романтик хайрын түүх мэт сэтгэгдэл төрүүлнэ. Залуу хүмүүсийн романтик хайр, гэрлэлтийн асуудал Сабахаттин Алигийн нөгөө хоёр романы хувьд ч мөн л чухал сэдэв болдог. Уг романы гол дүр их сургуулийн философийн ангийн оюутан Өмэр хотын нийтийн тээврийн усан онгоцонд арван долоо, найман насны Мажидэ бүсгүйг анх харж “Ертөнцөд мэндлэхээсээ өмнө, тэр бүү хэл хорвоо ертөнц, дэлхий гараг бүрэлдэн тогтох мөчид таньдаг байсан мэт санагдсанаар” түүн рүү очиж, яриа өдөхийг зориглон, улмаар тэдний хайр дурлалын адал явдал эхэлнэ. Тус роман улс төрийн утга агуулгаараа үндсэрхэг үзэлтнүүдийн дургүйцлийг ихэд хүргэж байжээ. Түүнчлэн уг зохиол Сабахаттин Алигийн хамгийн урт роман бөгөөд хамарсан сэдвийн хувьд ч нөгөө хоёроосоо хавьгүй өргөн. Олон дүртэй энэхүү романы бүтэц тун сонирхолтой. Сэтгэлийн хүүрнэл, эргэцүүлэл, урт монолог арвин агуулсан энэхүү роман зохиолчийн нөгөө хоёр романыг бодвол, уншихад яльгүй хүндэвтэрт тооцогдох ч монгол уншигчдад таалагдана хэмээн найдъя.
Худалдаж авах


ХУВААЛЦАХ

РЕДАКТОРЫН БАГ

Зохиогч: Сабахаттин Али , Орчуулагч: Г. Сугиррагчаа , Редактор: Ж. Хишигжаргал , Д. Очирмаа ,

НОМЫН МЭДЭЭЛЭЛ

ҮНЭ: 29,900₮,

ISBN: 9789997319159,

ЭРХЛЭН ГАРГАСАН ГАЗАР: Монсудар,

ЭРХЛЭН ГАРГАСАН ОГНОО: None,

ФОРМАТ: Хатуу хавтастай,

ХУУДАСНЫ ТОО: 336,

ХЭМЖЭЭ: 210 х 135 х 27 ММ ,

Номын хэсгээс

Номын мэдээлэл хүлээн авах