М. Отгонбаяр

Тууль

Монсудар хэвлэлийн газраас "Монгол утга соёл" нэртэй шинэ цуврал бүтээлийг эрхлэн гаргаж байгаа бөгөөд цувралын I ботид туулийн судалгаа бүхий удиртгал хэсэг, монгол ардын 17 тууль багтсан болно. Монгол ардын тууль хайлах зан үйл, туулийн гарал үүсэл, бүтэц хэлбэр, дүр, дүрслэх арга болон бусад улс үндэстний туулийн онцлогийг судлан оруулсан.
Тууль нь ард түмний бүтээл бөгөөд амнаас ам дамжин уламжлагдахдаа нутаг нутгийн онцлог шингэж, түгэн дэлгэрсэн, “туульч” хүн аялгуулан хайлдаг урлаг, уран зохиолын томоохон төрөл зүйл юм. Өөрийн авьяас билиг, хичээл зүтгэл, хүсэл сонирхлоороо туулийг сурч мэдэх, эсвэл өвөг дээдсээсээ удам залган туулийг аялгуулан хайлдаг хүнийг туульч гэнэ. Мөн тууль аман зохиолын том төрөл болохынхоо хувьд домог үлгэр, зүйр цэцэн үг, ерөөл магтаал, дуу, сацлын үг, бөөгийн дуудлага зэргийг дотроо багтаасан байдгаараа онцлог.

Дэлхий нийтээр “тууль” хэмээх үгийг “эпос” гэж нэрлэдэг. Эпос гэдэг нь грек хэлний хэлэх, өгүүлэх, хүүрнэх гэсэн утгатай үгээс гаралтай. Урлаг, утга зохиол хөгжсөн улсад өөрийн орны туулиас, ялангуяа баатарлаг туулиас сэдэвлэн жүжиг, дуурь, кино гэхчилэнгээр өнөөгийн цаг үед нийцүүлэн хөгжүүлж, олон нийтэд хүргэж байна. Монголчууд бид бүхэн ч гэсэн уг бүтээлд багтсан Жангар, Гэсэр, Эрийн сайн Хан Харангуй, Бум Эрдэнэ гэхчилэн 17 туультай танилцаж, соёл түүхээ танин мэдэж, өв уламжлал, ёс заншлын уг улбааг ухаарч, тэр хэвээр нь хав дарах бус энэ цаг үеийн шаардлагад нийцүүлэн хөгжүүлэх цаг иржээ.
Buy


Share

CONTRIBUTORS

By (author): П. Оюунгэрэл , М. Отгонбаяр , Д. Ичинноров , Editor-in-chief: Г. Сүлд-Эрдэнэ , Guest editor: Г. Гантогтох , Edited by: Б. Батцэцэг , Technical editor: Э. Пүрэвжаргал , Photographs by: Б. Баясгалан , Designed by: Б. Төгсжаргал ,

PRODUCT DETAILS

PRICE: 24,900₮,

ISBN: 9789997316493,

ЭРХЛЭН ГАРГАСАН ГАЗАР: Монсудар,

PUBLISHED: 2018-11-01,

FORMAT: Paperback,

PAGES: 984,

SIZE: 205 х 145 х 40 ММ ,

WEIGHT: 1135.0 ГР,

Series: Монгол утга соёл цуврал: I боть

Sign up for newsletter